Пачатак навучальнага года ў школе імя С. Баторыя
21.09.2020
19 верасня ў Польскай грамадскай школе імя караля Сэфана Баторыя пры Саюзе палякаў на Беларусі ў Гродна ўрачыста распачаўся новы навучальны год 2020–2021. Ва ўрачыстых мерапрыемствах прыняў удзел Пасол Польшчы ў Беларусі Артур Міхальскі i Генеральны консул Яраслаў Ксёнжэк.
Адкрыццё новага навучальнага года распачалося набажэнствам у Гродзенскім кафедральным саборы ў інтэнцыі вучняў школы імя С. Баторыя, педагогаў і актывістаў, якія займаюцца дзейнасцю школы СПБ. У гэтым годзе польскую мову ў школе агулам будзе вывучаць 1400 чалавек: 1100 дзяцей школьнага ўзросту і 300 жыхароў Гродна ў рамках моўных курсаў для дарослых.
– Для мяне сапраўдны гонар і шчасце радавацца вашым поспехам. Дзякуй вам за працу ў галіне польскай школьнай адукацыі ў Беларусі, жадаю шмат чарговых поспехаў і дасягненняў, – сказаў прысутным на ўрачыстасці настаўнікам, вучням і іх бацькам Пасол Польшчы ў Беларусі Артур Міхальскі, які разам з кіраўніком Генеральнага консульства Рэспублікі Польшча ў г. Гродна Яраславам Ксёнжэкам уручыў падарункі і сувеніры сёлетнім першакласнікам. Мерапрыемства ўпрыгожыла выступленне маладых талентаў, якія вучацца ў школе імя С. Баторыя.
