Польшча ў Беларусі

У бліжэйшы час бюст будзе выстаўлены ў Пасольстве Рэспублікі Польшча ў Рэспубліцы Беларусь, а пазней, пасля атрымання неабходных дазволаў, будзе ўсталяваны ў Багданава, побач з Касцёлам св. Міхаіла Архангела, увекавечанага на карціне Ф. Рушчыца „Пад касцёлам” (Нацыянальны мастацкі музей Беларусі).

– Дазвольце выказаць удзячнасць за тое, што нягледзячы на складанасці, звязаныя з пандэміяй і іншымі падзеямі, мерапрыемствы ў рамках святкавання Года Рушчыца больш сціплыя, чым планавалася, але адбываюцца. Наша дыппрадстаўніцтва па меры магчымасці прымае ў іх ўдзел. Віншую Нацыянальны музей з адкрыццём выставы прац Фердынанда Рушчыца. Сёння і заўтра праходзіць віртуальная навуковая канферэнцыя, прысвечаная мастаку. А наша Пасольства з нагоды юбілею і Года Рушчыца, які святкуецца пад эгідай ЮНЕСКА, выдала альбом „Фердынанд Рушчыц – грамадзянін Незалежнай”. Альбом пачынаецца з уступу, напісанага ўнукам мастака, які шмат разоў прыязджаў у Беларусь і на працягу многіх гадоў займаецца папулярызацыяй дзейнасці і ўшанаваннем памяці пра свайго продка. Спадзяюся, што гэта кніга на польскай і беларускай мовах паспрыяе паглыбленню ведаў аб знакамітым мастаку, якім могуць ганарыцца нашы краіны, – сказаў Марцін Вайцяхоўскі.

Аўтар бюста Валяр’ян Янушкевіч падкрэсліў, што стварыў яго 20 год таму з думкай аб тым, што некалі ён будзе ўсталяваны ў Багадана, і зараз надарылася такая нагода.

У сустрэчы прынялі ўдзел: Часовы Павераны ў Справах Рэспублікі Польшча ў Рэспубліцы Беларусь Марцін Вайцяхоўскі, Часовы Павераны ў Справах Літоўскай Рэспублікі ў Рэспубліцы Беларусь Аста Андрыяўскене, дырэктар Польскага інстытута ў Мінску Цэзары Карпінскі, скульптар, аўтар бюста Валяр’ян Янушкевіч, намеснік Генеральнага дырэктара Нацыянальнага мастацкага музея Беларусі Сяргей Вечар, прадстаўнікі СМІ і Багданаўскага прыхода св. Міхаіла Архангела – колішняга маёнтка сям’і Рушчыцаў.