Poland in Georgia

12 აგვისტოს ჩვენ აღვნიშნავთ გაეროს ინიციატივით დადგენილ ახალგაზრდობის საერთაშორისო დღეს. მისი მიზანია ახალგაზრდების ფიზიკური აქტივობის და პოტენციალის ხელშეწყობა, ასევე მათ ცხოვრებაში არსებული პრობლემების გადაჭრის გზების ძიება. პოლონეთის დახმარების პროგრამის მთავარი მიზანია ყველა ადამიანისთვის თანაბარი შესაძლებლობების უზრუნველყოფა. ამასთან დაკავშირებით წარმოგიდგენთ პროექტს, რომელიც მოიცავს შშმ ქართველი ბავშვებისა და ახალგაზრდების მხარდაჭერას, მათ წინაშე არსებული განვითარებისა და კომუნიკაციის პრობლემების დაძლევაში.

პოლონური დახმარებისა და გაეროს განვითარების პროგრამის (UNDP) მიერ თანადაფინანსებული პოლონური გამოწვევის ფონდის (Polish Challenge Fund) პროგრამის ფარგლებში საქართველოს სკოლებსა და საბავშვო ბაღებში ხორციელდება პროექტი სახ.  „არავინ არ უნდა დარჩეს უკან“. პროექტს ახორციელებს პოლონური კომპანია Atabi და ქართული არასამთავრობო ორგანიზაცია Consort Georgia. პროექტის მიზანია სპეციალური საგანმანათლებლო საჭიროების მქონე ბავშვებისა და ახალგაზრდების მხარდაჭერა კომუნიკაციის უნარების განვითარებასა და აკადემიურ მიღწევებში, რათა  მისცეს მათ განვითარებისა და დამოუკიდებლობის მოპოვების შანსი. ეს უზრუნველყოფილია ინოვაციური დამხმარე ტექნოლოგიის (AT) დანერგვით, მათ შორის თვალის თვალთვალის ტექნოლოგიების, სპეციალური საკომუნიკაციო ტაბლეტების და მყისიერი მესინჯერების, ასევე ვიზუალური კომპიუტერული პროგრამირების უზრუნველყოფით. გარდა ამისა, AT-ის გამოყენება შერწყმულია თერაპიასთან, რომელიც მორგებულია თითოეული ბავშვის ინდივიდუალურ საჭიროებებზე. ამის წყალობით, სხვადასხვა საჭიროების მქონე ბავშვებს შეუძლიათ კომუნიკაცია დაამყარონ მშობლებთან, თანატოლებთან და მასწავლებლებთან, გამოხატონ თავიანთი საჭიროებები, სურვილები და მოსაზრებები. გარდა ამისა, მათ შეუძლიათ მონაწილეობა მიიღონ აქტივობებში, რომლებიც ადრე მათთვის მიუწვდომელი იყო. შედეგად ბავშვები ხდებიან უფრო დამოუკიდებლები, უყალიბდებათ თავდაჯერებულობა და მოტივირებულნი არიან გააგრძელონ მუშაობა. თერაპიით მხარდაჭერილმა დამხმარე ტექნოლოგიამ შეიძლება შეცვალოს ბავშვებისა და ახალგაზრდების ცხოვრება, რომლებიც ებრძვიან თუნდაც მძიმე ინვალიდობას.

პროექტი ასევე მხარს უჭერს  მასწავლებლებს (მათ შორის დამხმარე მასწავლებლებს) და სპეციალური განათლების სპეციალისტებს, რომლებიც ჩართულები არიან ენისა და მეტყველების თერაპიის პროცესში, რაც ინკლუზიური განათლების ნაწილის წარმოადგენს. ამის წყალობით, ბავშვებს, განურჩევლად მათი შესაძლებლობებისა თუ შეზღუდვებისა, შეუძლიათ ისწავლონ ერთ კლასში. პოლონური გამოცდილების საფუძველზე, ეწყობა ტრენინგები და ვორქშოფები, რომლის დროსაც მასწავლებლები იღებენ პრაქტიკულ რჩევებს, თუ როგორ უნდა გამოიყენონ AT მძიმე შეზღუდული შესაძლებლობის მქონე ბავშვებთან მუშაობისას. ქართველი დამხმარე მასწავლებლები ასევე მონაწილეობენ პოლონეთში სასწავლო ვიზიტებში, რომლის დროსაც ეძლევათ შესაძლებლობა დაინახონ, თუ როგორ გამოიყენება დამხმარე ტექნოლოგია ჩვენს განათლების სისტემაში.