Polşa Azərbaycanda

- İştirakçı dövlətlərin sülh və təhlükəsizlik sahəsində çoxsaylı problemlərlə üzləşdiyi bir vaxtda Polşa ATƏT-ə sədrlik edir. Onlar arasında real dialoq beynəlxalq hüququn prinsiplərinə və ATƏT-in mövcud alət və təsirlərinə və möhkəm sadiqliyə əsaslanmalıdır. Bizim məqsədimiz ATƏT-in mümkün qədər səmərəli fəaliyyət göstərməsidir - deyə Polşa Respublikasının Xarici İşlər Naziri Zbiqnev Rau bildirib.

 

Polşa sədrliyinin əsas məqsədi ATƏT strukturlarını dəstəkləməklə regional və dondurulmuş münaqişələrin tənzimlənməsinə yönəlmiş fəaliyyətlər olacaqdır. Polşanın niyyəti bütün maraqlı tərəflər arasında vicdanlı vasitəçi və mediator kimi çıxış etməkdir. Təşkilat iştirakçı dövlətlərin konsensusuna əsasən işləyir. Bizim səylərimiz ATƏT-in potensialından tam istifadə etməyə yönəldiləcək.

Polşa siyasi və hərbi, eləcə də iqtisadi və insan hüquqları məsələlərinin qarşılıqlı asılılığını nəzərdə tutaraq, Təşkilatın təhlükəsizliyə hərtərəfli yanaşması daxilində öz vəzifələrini yerinə yetirəcəkdir.

Sədrlik dövründə biz səylərimizi münaqişə zonalarında mülki şəxslərə kömək etməyə yönəldəcəyik. İqtisadi ölçüdə biz iqtisadiyyatlarımızı yenidən qurmağa və modernləşdirməyə, onların dayanıqlığını gücləndirməyə və yeni çağırışlara daha yaxşı uyğunlaşmağa çalışacağıq. Pandemiyadan sonra dirçəlmək və davamlı inkişafa qayıtmaq üçün əlaqələndirilmiş və məqsədyönlü fəaliyyət lazımdır.

Nazir Zbiqnev Rau 2022-ci il yanvarın 13-də Vyanada ATƏT-in Daimi Şurasının iclasında sədrliyin rəsmi açılışını edəcək və onun prioritetlərini açıqlayacaq. Əvvəlki və sonrakı sədrlikləri ilə ATƏT üçlüyü əməkdaşlıq edir - müvafiq olaraq İsveç və Şimali Makedoniya. ATƏT Nazirlər Şurası 2022-ci ilin dekabrında Lodzda keçiriləcək.

 

Lukaş Yaşina

XİN-in Mətbuat Sözçüsü