Polşa Azərbaycan rəssamlarının gözü ilə - vorkşop və sərgi
08.12.2023
Polşa Respublikasının Bakıdakı Səfirliyinin və Arts Council Azerbaijan’ın birgə təşəbbüsü.
2023-cü il dekabrın əvvəlində Polşa Respublikasının Bakıdakı Səfirliyi və Arts Council Azerbaijan'ın təşkilatçılığı ilə “Polşa Azərbaycan rəssamlarının gözü ilə” rəsm sərgisi təşkil etdi. Layihə çərçivəsində 10 azərbaycanlı rəssam Polşanın tarixi, mədəniyyəti, təbiəti və s. motivlərdən ilhamlanaraq əsərlər yaratdılar.
Seminarların sonunda “Nur Art House” qalereyasında yaradılmış əsərlərin təqdim olunduğu sərgi açıldı. Polşa Respublikasının Azərbaycandakı Səfiri Rafal Poborski və Arts Council Azerbaijan-ın direktoru Dadaş Məmmədov tərəfindən açılan vernisajın açılışında diplomatik korpusun nümayəndələri, layihədə iştirak edən rəssamlar və rəssamlıq həvəskarları iştirak etdilər.
