Церемонија на одликувања на шестмина македонисти со Медал за заслуги за Република Северна Македонија
31.01.2024
На 30.01.2024 г. во Музејот на македонската борба за самостојност, беше одржана свеченост на која беа одликувани шестмина научници, од кои тројца Полјаци, со Медал за заслуги за Република Северна Македонија.
Признанието го добија професорите Кшиштоф Вроцлавски и Јежи Русек (постхумно) и академик Зузана Тополињска.
Кшиштоф Вроцлавски беше постхумно одликуван за непроценливи заслуги за македонистиката и за проучувањето и истражувањето на македонскиот фолклор и македонската народна раскажувачка традиција.
Јежи Русек постхумно беше одликуван за исклучителниот придонес во развојот и одржувањето на студиите по македонски јазик и литература на Јагелонскиот Универзитет во Краков, со што помогна во афирмацијата на македонскиот јазик. Неговите научни трудови и конференции се стимул за младите генерации на македонисти.
Академик Зузана Тополињска беше одликувана за непроценливиот придонес за афирмација на македонскиот јазик и македонската култура. Научните трудови на академик Тополињска, како една од најактивните македонисти, се поттик за голем број домашни и странски научници.
На настанот присуствуваше и амбасадорот на Република Полска кој го подигна постхумното признание во име на професорот Јежи Русек.
фот: pretsedatel.mk
