Полска во Северна Македонија

Изложбата, подготвена од Министерството за надворешни работи на Република Полска и Музејот на втората светска војна од Гдањск по повод 80-годишнината од избувнувањето на Втората светска војна, ја отворија претседателот на Северна Македонија Стево Пендаровски, амбасадор на РП, Војциех Тицињски и советникот на германската амбасада во Скопје Ото Граф. Претседателот Пендаровски во својот говор истакна дека неговото присуство на овој настан и на ова место претставува негова должност. Тој ја спомена и поуката што произлегува од оваа незамислива трагедија, потребата таа засекогаш да се запамети, како и позитивната метаморфоза на полско-германските односи во последните години. Амбасадорот Тицињски потсети за огромните загуби на полската нација за време на Втората светска војна и учеството на Полјаците во поразот на Третиот рајх. На настанот присуствуваа околу 100 гости, претстаници на различни скопски средини и дипломатскиот кор. Изложбата ќе биде поставена во НУ Музејот на македонската борба до 20 септември.