Прв проект на Амбасадата на Република Полска реализиран заедно со општина Росоман
20.02.2023
Амбасадорот Војциех Тицињски заедно со градоначалникот на општина Росоман, Стојан Николов, го посетија основното училиште во Сирково со цел свеченото завршување на проектот финансиран од Амбасадата на Република Полска од средствата на Полската развојна помош.
Проектните активности се состоеја од комплетнто реновирање на тоалетите во зградата на подрачното училиште на ООУ „Пере Тошев“ во Сирково, кое го посетуваат 40 деца. Благодарение на реализацијата на проектот значително се подобрија условите за настава во училиштето. Вредноста на грантот изнесуваше над 12.000 евра.
Ова е прв проект на Амбасадата на Република Полска реализиран заедно со општина Росоман.
Во рамките на малите грантови од Полската развојна помош во 2022 г. Амбасадата на Република Полска во Скопје реализираше 8 проекти со вкупна вредност од близу 130.000 евра.
