Свечена комеморација по повод 21-годишнината од трагичната смрт на двајца полски војници
05.03.2024
На 4 март 2003 година, наредникот Павел Легенцки и наредникот Пјотр Микуловски го загубија животот, додека ја извршуваа својата службена должност во рамки на мировната мисија на НАТО „Сојузничка хармонија“ во месноста Сопот, Северна Македонија.
На одбележувањето на 21-годишнината од овој трагичен настан, беа положени венци и запалени свеќи под спомен плочата, а на истиот настан присуствуваше и конзулот на Република Полска во Скопје, г. Пјотр Висоцки, военото аташе во Амбасадата на Република Полска во Република Бугарија и Република Северна Македонија, полковник Пјотр Грела, и претставници на Министерството за одбрана, Канцеларијата на претседателот и Генералштабот на Армијата на Северна Македонија и претставници на воениот дипломатски кор. Свечената комеморација беше организирана од страна на војницита на полскиот воен контингент кои служат во рамки на мисијата на КФОР.
