Полска во Северна Македонија

Какви студии нуди Филолошкиот факултет при Универзитетот „Св. Кирил и Методиј“ во Скопје? Зошто славистиката е интересна област? Дали полскиот јазик навистина е толку тежок за странци? Одговорите на овие и други прашања беа понудени на Зимската школа за славистика, организирана на Катедрата за славистика од 13 до 17 јануари оваа година, наменета за средношколци кои се соочуваат со избор на насоката на нивните студии. Посетителите на Школата учествуваа на предавања водени од професори по славистика. Предавањата за Полска и полскиот јазик ги водеше лекторката Наталија Лукомска. На крајот од Школата, учесниците добија подароци подготвени од Амбасадата на Полска во Скопје, со лого специјално дизајнирано од г-ѓа Наталија, кое го прикажуваме подолу.