Полска во Северна Македонија

Потврдата ќе ја добиете во месно надлежната конзуларна канцеларија на Република Полска.

Запомнете дека по добивање на потврдата која дава право за внесување на оружје и муниција преку територијата на Република Полска и нивно изнесување во странство, ќе бидете обврзани да им ја покажете потврдата на органите на полската Гранична стража со цел добивање печат кој потврдува преминување на границата.

Документите може да ги поднесете лично.

За закажување термин за поднесување на документите, употребете го системот е-конзулат.  

Подгответе:

• документ за лична идентификација,
• документ кој дава право за поседување оружје,
• пополнете информативна карта за оружјето,
• информација за бројот на транспортирана муниција, видот и за урнек на куршумот.

Информирајте го конзулот за целта на Вашето доаѓање со оружјето: лов, спортски настан или историска реконструкција – најдобро покажете покана или резервација.

Организаторот на ловот, спортскиот настан или историската реконструкција со учество на странци, треба да му достави – најмалку 7 дена пред планираниот термин на настанот – на војводскиот командир на Полицијата кој е месно надлежен според местото на ловот, спортскиот настан или историската реконструкција, писмена информација за планираниот датум и место на ловот, спортскиот настан или историската реконструкција, како и за приближниот број на учесници.

Информирајте го конзулот за декларираниот датум на влегување на територијата на Република Полска и за датумот на заминување.

Таксата за издавање на потврдата изнесува 3 695,00 MKD.

Конзулот ја издава потврдата без непотребно одолжување, но не подоцна од 14 дена од денот на поднесување на барањето.

Лично. Можете исто така да побарате документите да Ви бидат доставени по пошта, доколку ги покриете поштенските трошоци.

Во случај на одбивање да се изврши дејствието, конзулот ќе издаде решение, против коешто можете во рок од 7 дена да поднесете жалба до министерот за надворешни работи на Република Полска. Жалбата се поднесува преку конзулот, којшто го издал решението.

Кој има право да внесува оружје и муниција и за нивно изнесување во странство?

• Странци или полски државјани кои имаат постојано живеалиште во странство и кои престојуваат на територијата на Република Полска поради учество во лов (ловџиите кои внесуваат во Полска оружје за ловни цели, исто така, може да внесуваат и изнесуваат муниција за него, во количина што не надминува 100 парчиња).
• Странци или полски државјани кои имаат постојано живеалиште во странство и кои престојуваат на територијата на Република Полска поради учество во спортски настани, чијшто правилник налага користење оружје, како и поради учество во историска реконструкција, а исто така, и во подготовки за такви настани, може да внесуваат и изнесуваат оружје што им одговара на спортските цели или на историската реконструкција, како и муниција за тоа оружје во количини определени во поканата од организаторите на спортските настани или историските реконструкции .

Странци или полски државјани кои имаат постојано живеалиште во странство и внесуваат на територијата на Република Полска сигнално оружје, доколку тоа претставува дел од опремата на пловила и воздухоплови.